Home Shqipëri
10 të arrestuar për vrasjen e Armando Beqirit, policia ka të dhëna që mund të zbulojnë ekzekutorin
Detaje të reja bëhen me dije nga ekzekutimi i biznesmenit shqiptar Armando Beqirit në Islandë. Sipas policisë vendase, janë sekuestruar disa të dhëna kompjuterike dhe telefona celularë që mund të japin një panoramë të qartë për atë që ka ndodhur të shtunën e kaluar.

Janë më shumë se 20 hetues që po merren me këtë çështje dhe krimi mund të zbardhet shpejt. Lidhur me këtë vrasje në paraburgim janë më shumë se 10 persona, por afati për mbajtjen e tyre në qeli skadon sot. Policia do të kërkojë nga gjykata që të arrestuarit të qëndrojnë në burg deri në përfundim të hetimeve. Të gjithë të dyshuarit janë marrë në pyetje, por ende policia kërkon të dhëna për t’i fajësuar plotësisht ata.

Shefi i policisë në Islandë, Margeir Sveinsson, në një deklaratë është shprehur se janë sekuestruar shumë të dhëna që mund të zbardhin krimit dhe se një prej të arrestuarve mund të jetë ekzekutori. Sipas tij gjatë kontrolleve në banesat e të dyshuarve janë sekuestruar kompjuterë dhe telefona.

Nga ana tjetër lidhur me këtë vrasje në pranga është një shqiptar dhe sipas Frettabladid.is ai është një prej të dyshuarve kryesor. Në banesën e tij janë gjetur gjurmë të armës së zjarrit, por ai është paraqitur vetë në polici dhe ka mohuar përfshirjen në krim.

Në qeli deri tani ndodhen 10 persona nga 7 shtete, Shqipëria, Islanda, Spanja e Lituania. Motivet ende nuk dihen, ndërsa njëri nga të arrestuarit nga Lituania ka lidhje me botën e krimit.

Armando Beqiri u ekzekutua mbrëmjen e së shtunës (13 shkurt) në hyrje të shtëpisë. Autori i cili po e priste e ka qëlluar me më shumë se 5 plumba, pas shpine, në qafë dhe kokë, duke bërë që 33 vjeçari të ndërronte jetë në spital si pasojë e plagëve të marra.
Dërgoja mikut në:
Shkruani komentin tuaj!
 
Përfshihet nga flakët "Land Roveri" në Krujë
Meta: Më shumë kandidatë me integritet, më shumë mundësi në referendumin e 25 prillit
U vaksinuan dy ditë më parë, infektohen me COVID-19 dy persona në Gjirokastër
Rama në Bruksel, Borrell dhe Várhelyi: Shqipëria përmbushi kushtet
Përplasen dy automjete, përfundon në spital një person

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2021 Albeu Online Media