Home Shqipëri
Shkarkohet nga detyra gjyqtarja e Gjykatës së Tiranës
KPK shkarkon nga detyra gjyqtaren e Gjykatës së Tiranës, Mariana Shegani.

Shegani ka hasur një seri problemesh me deklarimin e pasurisë gjatë seancës dëgjimore në KPK, të cilat ajo i cilësoi si pakujdesi të paqëllimshme.

Mariana Shegani (Dedi) u gjykua nga trupa gjykuese: Suela Zhegu, Firdes Shuli dhe Brunilda Bekteshi.

Gjyqtarja që ka një karrierë të gjatë tre dekada në Gjykatën e Tiranës, u vlerësua pozitivisht për sa i përket pastërtisë së figurës dhe profesionalizmit.

Gjyqtarja Marjana Shegani (Dedi) është emëruar në Gjykatën e Tiranës në maj të vitit 1992 dhe është bërë subjekt i deklarimit të pasurisë në vitin 2003. Sipas raportit të Inspektoriatit të Lartë për Deklarimin dhe Kontrollin e Pasurive dhe Konfliktit të Interesit, ILDKPKI të dorëzuar në KPK, subjekti ka bërë deklarim të pasaktë dhe jo në përputhje me ligjin, nuk ka burime të ligjshme, ka kryer fshehje pasurie por nuk është në kushtet e konfliktit të interesit.

KPK ka ndërmarrë një hetim të pavarur për pasuritë e subjektit ku është përfshirë një apartament 113 m2, i blerë në tetor 2002 me vlerë 50820 USD dhe i shitur në janar 2019. Sipas deklarimeve periodike të subjektit ky aset eshtë blerë me kredi të marrë në vitin 2003, ndërkohë që KPK ka zbuluar se dy këstet e para janë paguar në vitin 2002.

E pyetur nga KPK gjyqtarja ka deklaruar se për mbulimin e kësteve ka shërbyer nje kredi nga e motra me vlerë 2 milionë lekë, e cila nuk është deklaruar në deklaratat periodike dhe në deklaratën veting dhe është shlyer mes viteve 2003-2008.

Sipas KPK-së për këtë aset subjekti i rivlerësimit nuk ka pasur burime të ligjshme në vlerën 1.6 milionë lekë dhe nuk ka deklaruar kredinë nga e motra, si dhe ripagimin e kësaj kredie gjatë viteve 2003-2008. Shegani e cilësoi mosdeklarimin e ndihmës financiare nga e motra si pakujdesi që vinte si rrjedhojë e marrëdhënies së veçantë.

Gjithashtu KPK theksoi se subjekti nuk ka deklaruar në deklarimin periodik të vitit 2004 një garazh me vlerë 8000 USD. Probleme në deklarim KPK konstatoi edhe për sa i përket burimeve financiare që kanë shërbyer për blerjen e një apartamenti në Kavajë.

Gjithashtu KPK konstatoi probleme në dokumentimin e ligjshmërisë së të ardhurave nga qiradhënia e vjehrrës së subjektit që kishin shërbyer për një investim në pasuri të paluajtshme me vlerë 2.6 milionë lekë, duke xjerrë një mungesë burimesh financiare për subjektin me vlerë 1.35 milionë lekë.

Nga hetimi i transaksioneve për blerjen e automjeteve KPK ka konstatuar mosdeklarimin e gjendjes cash me vlerë 1 milionë lekë në vitin 2008, si dhe mungesa burimesh financiare ndër vite në vlerë 240 mijë lekë dhe 101 mijë lekë.
Dërgoja mikut në:
Shkruani komentin tuaj!
 
Rama kritika BE-së nga Bruskeli për vaksinat anti-Covid: U lamë mënjanë
Mbyllet gara për tunelin e Llogarasë, cila është kompania shqiptare që dha çmimin më të ulët
Zbardhet deklarata në Bruksel e Këshillit të Stabilizim-Asociimit, vlerëson pozitivisht Shqipërinë
Këshilli i Stabilizim Asociimit: Shqipëria ka bërë progres në përgatitjen e zgjedhjeve
Përfshihet nga flakët "Land Roveri" në Krujë

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2021 Albeu Online Media